منتديات عباس الخالدي

مرحباً بك في منتديات عباس الخالدي
منتديات عباس الخالدي

منتدى ثقافي إجتماعي علمي

المواضيع الأخيرة

» نرحب بالأعضاء الجدد ...
الأربعاء نوفمبر 18, 2015 7:53 pm من طرف م.الخالدي

» قرآن تلاوة تفسير ...ممتاز
الثلاثاء يوليو 08, 2014 5:12 am من طرف م.الخالدي

» القران الكريم ..تطبيق رائع
الأحد يوليو 06, 2014 8:25 pm من طرف م.الخالدي

» مدائح مخترة ....
الأحد يوليو 06, 2014 8:21 pm من طرف م.الخالدي

» live........مباريات مباشرة كأس العالم 2014م
الأربعاء يونيو 25, 2014 3:17 am من طرف م.الخالدي

» تصاميم إنارة للغرف المظلمة
الثلاثاء نوفمبر 26, 2013 2:20 am من طرف م.الخالدي

» من القديم ....للجديد ....شاهد
الجمعة سبتمبر 20, 2013 12:10 am من طرف م.الخالدي

» مساء جديد...
الخميس سبتمبر 19, 2013 2:52 am من طرف م.الخالدي

» منزلك....................
الثلاثاء سبتمبر 17, 2013 3:20 am من طرف م.الخالدي


    نكات جديدة

    شاطر
    avatar
    محمد
    مشرف
    مشرف

    عدد المساهمات : 26
    تاريخ التسجيل : 21/01/2010

    نكات جديدة

    مُساهمة من طرف محمد في الخميس أغسطس 19, 2010 5:55 am

    شايقى مغترب عرسو ليهو واحده بى صورة شينه شنه شينه شنه الضبانه جمبها ما بترك
    اها فى الصباحيه جاتو بتقوليهو عايزنى اظهر على منو من ضيوفك وادسه من منو
    قاليها اظهرى عليهم كلهم وادسى منى انا ده هع هع هع هع هع

    الولد قام لي امو...
    ياماما:الانسان بطير
    قالت:لا لا الانسان مابطير
    قال ليها:اناسمعت بابا بقول لي
    الخدامه :ياملاكي الطائر

    حلفاوي عينوه امير فوج في الحج....قال للجماعة:شوفوا كان شديتوا حيلكم ح نرجع قبل العيد

    اتنين مساطيل ركبوا البص ابو دورين .......الفوق بقول للتحت:انتوا سواقكم ماشي بيكم بسرعة كم؟...داك قال ليه بسرعة 80...انتوا سواقكم ماشي بي سرعة كم؟ قال ليه :لا نحن سواقنا لسه ما جا

    اتنين مساطيل قاعدين مع بعض واحد بيقول للتاني :له جناحان ولا يطير ..له ارجل ولايمشي ...له عينان ولا يرى ..ده شنو؟...داك قال ليه ماعارف........قال ليه ده عصفور ميت

    مسطول حيطو إتشقت مسحها بي فازلين هاهاها

    رباطابي عسكري مرور .. بلغوهأنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو: أها يالصـــــندوق الأســـــود .. الحادث حصل كيف ؟؟؟؟؟

    واحد صلعة الناس قالو ليه لو عايز شعرك يقوم خلي مرتك تتف في وشك قاليهم بالله? لو كان كده كان شعري هسي يكون جاري بالارض

    رباطابي جاء الخرطوم بي مناسبه زواج (وهو بيحب اللحمه شدييييد) لما جاء الغداء قعد في طاوله فيها نفرين بس منتظر صواني الاكل علشان تطلع ويختار واحده فيها ضلعه كبيره .. المهم كلما تطلع صينيه يشوفا يلقاها رقبه والبعديها رقبه حوالي عشره صواني رقبه ... قاليهم : يا جماعه انتو ضابحين زرافه ولا شنو

    مرة قالت لي راجلة والراجل مسطول ياريتني
    ازوجتة ابليس ولا ازوجتك قال ليها مايجوز
    اخو يزوج اختواء


    شايقي حلم بالليل انو بوزع قروش حلف تاني ماينوم

    هلالابي ألبيت كلو ملبسو ظهري وأولادو كلهم مسميهم هيثم مصطفي وكدا ويوم جاب لي مرتو توب ظهري جدآ قال ليها أها ألتوب دا كيف قالت ليهو زي ألعجب قال ليها طلقانه

    شايقي بعلم أولادو ألغتاته لما بقي في فراش ألموت أولادو أبو ينطقو ألشهاده

    مسطول في بص شغال بقول ياربي ألدنيا دي تشكها وتوزعا من جديد في رباطابيه متغايظه منو شديد خلاص قام ألبص أنقلب صاحبنا ألمسطول دا أنجدع هناااااك وقعد يقول في شنو ألحاصل شنو نطت ألرباطبيه قالت ليهو مزازينا شكها شكها أها تراهو شكاها وجدعك بايظ

    مسطول قاعد يحضر مبارة ف كورة بالراديو، بيسمع ف المعلق بيقول: دربكه ف نص الملعب_ دربكه بين اللاعبين_دربكه ف منطقة الجزاء_ياساتر... دربكة أمام المرمى
    وقوووون أخيرا هدف جميل جدا من دربكه أمام المرمى
    المسطول قال للجنبه: (دربكه) ده لاعب نشيط وممتاز ليه ما لعبوه ف المنتخب ^_^

    واحد مسطول سمع صوت ضجة عند الجيران مشى ليهم لقى انو بنتهم جاها تسمم بسبب تلوث في المياه رجع البيت مرتو قالت ليهو في شنو قال ليها مافي حاجة اشربي ليك موية وخشي نومي

    واحدة أنصار سنة الغنم دخلوا بيتها...الراجل قال ليها قومي ياولية أمرقي الغنم...قالت ليهو دقيقة ألبس العباية.الراجل إستغرب!!!تلبسي العباية لي شنو يامرة؟؟؟قالت ليهو يمكن معاهم تيس هع هع هع هه هع هع هع هع

    مسطول امه قالت ليهو: قوم الشمس طلعت .
    قال ليها : دخليها واقفلي الباب معاك ؟؟؟

    احد سكّير مشى الحج ....قام قابل ست العرقي هناك....قال ليها :حلّفتك بالكعبة دي تاني ماتزيدي لينا العرقي موية.

    واحد ماشي في الشارع قابل زول صاحبه قال ليه:ماشي وين؟ داك قال ليه:ماشي السوق اشتري حمار...قال ليه ياخ قول انشاء الله....قال ليه اقول انشاء الله ليه؟ القروش في جيبي والحمار في السوق....زولنا مشى السوق القروش اتسرقت منه.......جا راجع لاقى صاحبه تاني قال ليه اها اشتريت الحمار؟قال ليه: لأ ....القروش اتسرقت انشاء الله.

    avatar
    م.الخالدي
    Admin
    Admin

    عدد المساهمات : 216
    تاريخ التسجيل : 17/01/2010

    رد: نكات جديدة

    مُساهمة من طرف م.الخالدي في الأحد مارس 06, 2011 12:21 am

    حلوووووووه ...حمودي Laughing


    _________________
    مهما رَسَمنا في جلالِك أحرفا ****** قدسيةً تشدو بها الأرواحُ
    فلأنتَ أعظمُ والمعاني كلـُها ****** ياربُ عند جلالِكم تنداحُ

      الوقت/التاريخ الآن هو السبت نوفمبر 18, 2017 7:04 am